{ أبيك الحِين تِرجَع { لِي } .. ولا تِرجَع تخليني . . }

.. آبيآآت تحكي قليل .. من آحآسيس " آلفرآآق "


نقلتهـ لآنهـ آعجبني .. !:!


تِصَدِّق وإلا ما تِصَدِّق .. أنا عَااجِز عَن التفكير


تعَال وشُوف في عينِك غِياابك وش عَمَل فيني


حبيبي ما بُقى عِندي صَبر .. يتحَمَّـل التأخير
رَحَلت .. وعِقبك


الدنيا غلاها طااح مِن عيني



أجَاوب اللِّي يسألني عَن أخبَااري وأقول بخير
وأنا لا خِير بغياابك .. ولا حَااجَه ..تهنيني !!


على طااريك كِل لحظة .. ولا أحتااج للتذكير
حَريص القلب ما ينسَى عيونِك , لا توصيني


مَحَد يِقدَر يعَوِّضنِي لأنِّك .. في عيُووني غير
ومَهمَا شِفت أنا الفرحَة .. بدونِك ما تسليني


أنا خِنتِك .. وهالغلطة حبيبـي ما لَهَا تبرير
علاقة حُب مَجنُونَـه .. ما بين أحزاااني وبيني


وكيف الحَااال وشلوني .. جَواابٍ ما يَبي تفسير
بدونِك إنت , ما تِضحَك حَيااتي وترمِش سنيني


مِثل شَاعِر عِجَز يوصَف شعُوره وخاانه التعبير
أنا ضايع .. ولا أدري مِن فرااقِك .. أناا ويني


مِثل طيرٍ كِسَر بُعدِك جَناحَه وما قِدَرت آطير
أحَاول أبتِسِم وأنسَى ولكن وش ينسيني..؟!


أشُوفِك في صبااحي إنت مَعنَى يا صبااح الخير
وأشُوفِك في مَسَائي حِلم وردي .. لا تصحيني


تِصَدِّق .. السَهَر يَرسِم عيُوني ويتقِن التصووير
ويشِق النُور في صفحة حيااتي .. وما ألاقيني


أنام شلون ومشكلتي عِجَزت ألقى لَهَا تدبير
طِلَبت النُوم .. لحظااته وعيَّى النُوم يعطيني


تِغيَّر وجهَي .. مِن أوَّل غياابك وإبتِدَى التأثير


حبيبي .. مِنْ التَّعَب كافي خذيت اللِّي يكفيني


يا أغلى مِن رَحَل عنِّي يا كِل الحُب والتقدير
تعَال: إن كان لِي عِندِك مَعَزَّه وكاان تغليني


تعَال: إن كِنت تعشقني وإذا فِعلاً تبي لي خير
تعَال: ومِد لِي ..كَف الوَصِل .. وآمِد .. كَفيني


إذا كان الجِفا واجِب بدى مِن قلبي التقصير


أبيك الحِين تِرجَع لِي .. ولا تِرجَع تخليني


أنا ما أقول اللِّي صَاار فِيني ما هقيته يصير
لأنِّي كِنت .. ( مِتأكِد ) .. بأنَّ البُعد ينهيني

صح لسانك وبدنك يا عمري



الله يعطيك العافيه