السلام عليكم ورحمة الله وبركاته
أسعد الله جميع أوقاتك بكل خير وسرور
الله يعطيكم العافيه جميعاً
قرأت قصيده وأعجبتني جداً وأحببت أن أنقلها لكم لجمال أبيتها ورونق معانيها
وهاذي القصيده أهديها لكل اللي مزاعل أحد وأقول له روح صالحه نصيحه قبل تجيك المنيه
قصيدة رائعة إقرؤها وإفهموها زين
أخليكم مع الأبيات
نزعل ونتكبّــر وحنا من الطيـــن
والكل منا صــــدّ لا أقبل خويّــه !!
نفخر نقول إنا على الصد قاوين
وهــــيّ علينا في الحقيقـــــة قــــويه !!
نشفق على الطيبة و كسب الكريمين
وهذي بنا لاشك فعــــلة رديـــــــــه !!
ننسى نهايتنا وعلى وين ماشيــــن
وننسى الزمان اللي جمعنا ســـــــويه !!
المشكلة ماهي بـ حاجة لــ تخمين
ولاهي بعد ياناس صعبـــــة القضيـــه !!
دق الرقم : كيفك هلا فيك وأهليــن
أنــا الخـــوي اللـي مـــــزعّــل خويــــه !!
قلّه : تغيب وصـــورتك داخل العين
ويبقــى لـ حبك في خفـــوقي بقيــــه !!
أخوان حنا لو يجي بيننا شيــن
و مانفتـــرق دام المحبـــة نديــــه !!
خلك قــوي لاتحتــــكرك الشياطين
قبل الفوات وقبل وقت المنيـــــــه !!
كلّم خويــك بـــ اطيب الهرج واللين
وأعرف جميل الهرج يمســــح رديـــه !!
هذي هي الدنيا من الحين لـ الحين
لابد بين الناس تحصــــــل خطيــــــه !!
ومن لايقدّر غلطــــة أحبابه الحيــن
يقـــــرأ حـــــروفي ويعتبرها هــديه !!
باكر تمر سنين وسنين وسنيـــــن
والــــــكل يرحـــــــل في الدروب المـــــديـه !!
صدقني تندم وأذكر حروفنا زين
تندم على خلك إذا غاب ضيّـــــــــــــه !!
دنيا غريبــــة وأكثر الناس ماشين
وكم صــــاحبٍ والله دفنته بــ يديــــــه
وسلامتكم جميع
إن شاء الله عجبتكم
لكم وافر التقدير والإحترام
منــــقول ..